أهم الأسئلة المطروحة ( شرح بسيط للمبتدئين )

بسم الله الرحمن الرحيم



في بداية الحديث ، اسعد الله اوقاتكم ، والصلاة

والسلام على اشرف الأنبياء والمُرسلين سيدنا مُحمد ابن عبد الله وصلى الله عليه وسلم تسليماً كثيراً

وعلى آله وصحبه وعلى من اتبع خُطاه وسلم ، اما بعد ..

كثير من الأعضاء يسئلون كيف نزيد النقاط ؟

والله ياجماعة أنا زى زيكم جديد فى اللعبة و بقالى يدوب شهرين لكن زيارة منتدى اللعبة أكسبنى

الكثير من الخبرات ده غير دخولى أحد الحروب الكبيرة جدا أمام أحد العباقرة الحربيين

شوف يا جماعة النقاط بتزيد بالأتى :

1- شراء السفن التجارية

2- رفع مستوى المبانى و أكثر المبانى نقاط :القصر و دارالبلدية والمخزن و جدار المدينة

شوية نصائح على الماشي :

1- أنا لحظت أن فى أكثر من لاعب نقاطه 2000 ورغم ذلك عنده مستعمرتين يا جماعة ده غلط

أول حاجة تفكر فيها أنك تبنى 4 مستعمرات بعد كده هتلاقى كل الموارد الى أنت عاوزها علشان

ترفع المبانى و تزود النقاط يعنى أنا عملت 3 مستعمرات قبل ما أصل 2000 نقطة لأن أهم

حاجة يبقى معايه أربع مستعمرات بأربع موارد

2- خلى مستوى جدار المدينة = مستوى دار البلدية

3- يفضل ما ترسلش أى جاسوس من ثكنة أقل من مستوى 7 ده طبعا لأصحاب النقاط القليلة يعنى

خلى مستوى الثكنة 7

4- لو المتجر عندك شغال زى عندى يعنى فى ناس بتعرض موارد و ناس بتطلب خلى مستوى

المتجر 7 و أشتغل سمسار يعنى واحد بعيد عنك طالب مورد بسعر عالى وواحد قريب منك عرض

المورد ده بسعر أقل طبعا لأن عندك المتجر مستوى 7 هتشوف ناس بعيده عنك

المهم تأخد من الى عارض بسعر قليل و تبيع للطالب المورد ده بسعر أعلى ودى كانت بتكسبنى

30000 فى المرة الواحدة غالبا

5- عدد سفنك مش أقل من 20 لأصحاب النقاط القليلة

6- أهتموا بالبحوث أوى يعنى أقل حاجة مستوى الأكاديمية عندك يكون 10 لأنها مفيدة جدا

7- نصيحة منى متعملوش معاهدة تجارية لأنها بتأخد أربع نقاط دبلوماسية و تقريبا ملهاش لازمة

أنت لما تحب تشترى أشترى من المتجر علطول

8- الى عنده مكان عمل مخترعين ياريت يهتم بتطوير الجيش جدا لأنك هتقوى الجندى و تأمينه مش

بيزيد و كمان لو واحد حربك وشاف عدد نقاط جنرالاتك هيخدع فيك لأن دى مش قوتك الحقيقية

9- واحد عاوز معاهدة معالم ثقافية ميكتبش موضوع فى المنتدى لأ الطريقة سهلة أختار عشرة من

أعضاء التحالف و أبعت لكل واحد معاهدة معالم ثقافية و أكيد واحد من العشرة هيوافق على المعاهدة

و ممكن تبعت لأعضاء التحالف كله زى ما أنت عاوز و كل واحد يقبل معاهدتك تزيد عندك قطعة

و هقولك تبعت أزاى أنت هترسل رسالة لواحد فوق مكتوب الموضوع رسالة غيرها لمعاهدةمعالم

ثقافية عرض و أرسلها بس خد بالك لو أنت محتاج قطعة أثار واحدة وأرسلت معاهدة و أتقبلت

متقدرش تبعت معاهدة أثار تانى الأ لما ترفع مستوى المتحف أو أنك تكون باعت أكثر من معاهدة فى

نفس الوقت

10- مترفعش مستوى المرفأ قوى علشان النهب يعنى أقصى حاجة 3 ألا طبعا لو عندك جيش

و كده خلصنا الموضوع والحمد لله و خدوا بالكم الموضوع أجتهاد شخصى و شوية خبرة مش أكثر

يعنى لو حد شاف حاجة غلط فى الموضوع ينبهنى ليها

فى أنتظار أستفساراتكم ........